Таатта улууһугар «Илии сылааһа» уопсастыбаннай иис сыаҕа анал байыаннай дьайыыга сылдьар биир дойдулаахтарбытыгар «Эр хоһуун» таҥас кэмпилиэгин тигиигэ улуус таһымнаах күрэхтэһии түмүктэннэ.

Иис сыаҕын салайааччы Ирина Саввина бэрэссэдээтэллээх дьүүллүүр сүбэ аҕыйах күн иһигэр тыһыынчаттан тахса үлэ хаачыстыбатын көрөн-истэн тутта. Бу таҥастары анал байыаннай дьайыыга сылдьар байыастар кэтиэхтэрэ турдаҕа.

Уолбаттан кыттыыны ыллылар Басова Мария Николаевна, Семенова Галина Ильинична, Кусатова Александра Петровна, Неустроева Татьяна Васильевна, Товарова Люция Леонидовна. Түмүккэ 3 бочуоттаах миэстэни ыларга ситистилэр.

Күндү Уолбабыт нэһилиэгин бука бары олохтоохторун уонна ыалдьыттарын,  ылбаҕай ырыаны  сэҥээрэн истээччилэри бүгүн Тохсунньу 7 күнүгэр, киэһэ 19:00 чаастан сылын аайы ыытыллар "ИККИ СУЛУС" дуэтынан ырыа күрэҕэр ыҥырабыт. Киирии билет: улахан дьоҥҥо 200 солк, оҕолорго-150 солк. (Билеты картанан эбэтэр харчынан төлүөххүтүн сөп, Пушкинскай карта үлэлиир)

Таатта улууһугар Платон Алексеевич Ойуунускай төрөөбүтэ 130 сылын бэлиэтиир ыйы арыйар "ТУПСУУ" мэҥэ тааһын арыйыыта буолла. П.А. Ойуунускай салайааччылаах Саха АССР ревкома 1922 с. муус устар 22 күнүгэр өрө турааччылары амнистиялыыр туһунан манифест таһаарбыта. Ол докумуоҥҥа сигэнэн 1923 сыл муус устарыгар Байаҕантай улууһун Уолба сиригэр үрүҥ хамсааһыны салайсыбыт П.И. Оросин, А.И. Говоров, М.П. Слепцов-Отоороп Саха АССР тэриллибитинэн, сэбиэскэй былааһы ылыналларын биллэрбиттэрэ. Ол түгэн бар дьоҥҥо ТУПСУУ диэн аатынан хаалбыта.

#Ойуунускай130сыла #тупсуу #согласие #барыбииргэ

Алтынньы 26 күнүгэр "Таланты земли Олонхо" Республиканкай творческай всевозростной конкурс - фестивальга "Алгыс" үҥкүү бөлөҕө (салайааччы Багардынова Айталина Павловна) ситиһиилээхтик кыттан, гранд сеньоры категорияҕа Лауреат 2 степени буоллулар.

Ону таһынан оскуола оҕолорун "Тэтим" уҥкүү бөлөҕө (салайааччы Баишева Розалия Васильевна) бу күрэххэ кыттан Лауреат 3 степени буолары ситистилэр. Ситиһиигит үксүү, дьол - соргу тосхойо туруохтун диэн баҕа санаабытын этэбит.